«Айналайын» арнайы түзету-дамыту балабақшасы
«Айналайын» арнайы түзету-дамыту балабақшасы 2023 жылы ашылып, ерекше білім беру қажеттіліктері бар балаларға кешенді түзету-дамыту қызметін көрсетіп келеді. Біздің басты мақсатымыз – әр баланың жеке мүмкіндіктерін ескере отырып, оның толыққанды дамуына және қоғамға бейімделуіне жағдай жасау.
Балабақшада психикалық дамуы кешеуілдеген, сөйлеу тілі дамымаған немесе кешеуілдеген, сондай-ақ аутизм спектріндегі бұзылыстары (РАС) бар балалармен жүйелі түзету жұмыстары жүргізіледі.
Кәсіби мамандар
Балалармен тәжірибелі мамандардан құралған команда жұмыс істейді:
- нейропсихолог
- дефектолог
- логопед
- бейімделген дене шынықтыру жаттықтырушысы
Әр маман баламен жеке жұмыс жүргізеді. Топтардағы бала саны 15-тен аспайды, бұл әр балаға жеткілікті көңіл бөлуге мүмкіндік береді.
Жеке даму жоспары
Балабақшаға қабылданған әр балаға кешенді диагностика жүргізіледі. Диагностика нәтижесіне сүйене отырып, жеке түзету-дамыту жоспары құрылады. Бұл жоспар ата-аналарға таныстырылып, барлық құжаттармен жұмыс жүйелі түрде жүргізіледі. Ата-аналарға баланың даму барысы бойынша тұрақты ұсыныстар мен кеңестер беріліп отырады.
Дамытушы орта
Балабақша толық заманауи талаптарға сай жабдықталған. Арнайы кабинеттер, дамытуға арналған құрал-жабдықтар, қауіпсіз ойын және қозғалыс аймақтары балалардың жан-жақты дамуына жағдай жасайды.
Күн тәртібі мен қамқорлық
Балаларға:
- 5 мезгілдік теңгерімді тамақтану
- күнделікті серуен
- топтық түзету-дамыту сабақтары
- тәрбиелік және мерекелік іс-шаралар
ұйымдастырылады.
Ата-анамен серіктестік
Балабақшада ата-аналарға арналған психологиялық қолдау және кеңес беру жұмыстары тұрақты жүргізіледі. Бала дамуы – балабақша мен отбасының бірлескен еңбегінің нәтижесі деп есептейміз.
Нәтиже
Қызмет етіп келе жатқан уақыт ішінде «Айналайын» арнайы түзету-дамыту балабақшасы көптеген балаларды өз жасына сай даму деңгейіне жеткізіп, әрі қарай білім алуға дайындады.